Wednesday, June 26, 2019

အရေးပေါ်လိုအပ်နေသည့် သောက်သုံးရေများကို လှေဖြင့်ပို့ပေးခြင်း

ရေးသားသူ Ye Lat Yi နှင့် Kris Cahyanto

မြန်မာ၊ ဇွန်လ ၂၀၁၉။

စစ်တွေ၊ ရခိုင်ပြည်နယ် - ယခုနှစ်သည် ရခိုင်ပြည်နယ်တွင် ရေ အလွန်ရှားပါးသည့် နှစ်ဖြစ်ပါသည်။ ယခုအချိန်ထိ မိုးမရွာနိုင်သေးပေ။ ယခုလို ခြောက်သွေ့သည့် နွေကာလ တာရှည်ခြင်းကြောင့် မိုးရေသိုလှောင်ထား သည့် ရေကန်များလည်း ရေခန်းခြောက်လုနီးပါး ဖြစ်နေလေသည်။ ရခိုင်ပြည်နယ် ကျေးလက်ဖွံ့ဖြိုးရေးဌာန ၏ ထုတ်ပြန်ချက်အရ ရခိုင်ပြည်နယ်တွင် ကျေးရွာ ၅၀ ထက် ပိုပြီး ရေရှားပါးသည့် ပြဿနာကို ကြုံတွေ့နေကြရ ပါသည်။

ဧပြီလ ၂၀ ရက် မှ စတင်၍ ယူနီဆက်သည် အနောက်ရွာ စခန်းသို့ ရေ ၃၅ ကုဗမီတာခန့် နေ့စဉ် သယ်ပို့ပေးနေခဲ့ပါသည်။
©UNICEF Myanmar/2019/Maung Maung Oo
အနောက်ရွာစခန်းတွင် နေထိုင်နေရသည့် ရွှေ့ ပြောင်းနေထိုင်သူ ဒေါ်ဇော်ရီနမ်ခါတာသည် ကလေး ရှစ်ယောက် မိခင် တစ်ယောက်ဖြစ်ပြီး  နေ့စဉ်ရေထုတ်ရန် ပြရသည့် ဗောက်ချာနှင့်အတူ ရေထည့်သည့် အိုး တို့ကို သယ်ယူလိုက်ပြီးနောက် မနက်နှင့်နေ့လည်ခင်းများတွင် စခန်းတွင်း ရေဖြန့်ဝေပေးသည့် နေရာသို့ ရေ ခွဲတမ်း ရယူရန် အခြားသူများနှင့် ဝင်ရောက် တန်းစီလိုက်ပါသည်။

Thursday, June 20, 2019

အရွယ်ရောက်သူတွေလည်း ကစားရင်းနဲ့သင်ယူကြမယ်

ရေးသားသူ မေသက်သက်ဦး (Liza)

မေလရဲ့ နံနက်ခင်းတစ်ခုမှာ စာသင်ခန်းတစ်ခုထဲကနေ စူးစူးဝါးဝါးအသံတွေ၊ အော်သံတွေ၊ သီချင်းဆိုသံတွေနဲ့ တိရစ္ဆာန်အကောင်လေးတွေရဲ့အသံတွေကြားလိုက်ရပါတယ်။ ထိန်းလို့မနိုင်တဲ့ ကလေးငယ်တစ်စုရဲ့ အသံတွေလို့ထင်ချင်စရာပါ။ ဒါပေမဲ့ မဟုတ်ပါဘူး ဒါက လူကြီးတွေရဲ့ အသံဖြစ်ပါတယ်။ သူတို့က သရုပ်ဆောင်ကြတယ်။ ကလေးတေးကဗျာတွေဆိုကြတယ်။ ပြီးတော့ဂိမ်းတွေကစားကြပါတယ်။


တချို့က စကားနားထောင်ပြီးလိုက်လုပ်တဲ့ကလေးတွေပုံစံ၊ တချို့က နှောင့်ယှက်ပေးတဲ့ ကလေးလေးတွေရဲ့ ပုံစံလုပ်ကြတဲ့အချိန်မှာ တခြားအဖွဲ့တစ်ခုကတော့ အမူအရာတွေကို စောင့်ကြည့်ကြပါတယ်။ ပြီးတဲ့အခါ သင်တန်းသားအားလုံးက ကလေးငယ်တွေရဲ့ သင်ခန်းစာအပေါ် သူတို့ဘယ်လောက်ကောင်းအောင် စီမံခန့်ခွဲနိုင်ခဲ့သလဲဆိုတာကို အဖွဲ့လိုက် တက်တက်ကြွကြွ အတူတူဆွေးနွေးကြည့်ခဲ့ကြပါတယ်။

Monday, June 3, 2019

မြန်မာနိုင်ငံရှိ ပဋိပက္ခဖြစ်ပွားရာဒေသများမှ အာဟာရချို့တဲ့မှုတွေအတွက် စဉ်းစားကိုင်တွယ်ဖြေရှင်းခြင်း

ရခိုင်ပြည်နယ်၊ ၂၀၁၉ ခုနှစ် မေလ ၁၄ ရက် - ပြီးခဲ့တဲ့ နှစ်လခန့်ကစပြီး အသက် ၁၈ လအရွယ် နူးရ်ဘူရှာလေးဟာ ပြင်းထန်အာဟာရချို့တဲ့ဝေဒနာခံစားနေရတဲ့အတွက် ယူနီဆက်အဖွဲ့ကြီးက ပံ့ပိုးပေးထားတဲ့ မောင်တော ငတ်မွတ်ခေါင်းပါးမှု တိုက်ဖျက်ရေးအဖွဲ့ ပြင်ပလူနာဌာန ကုထုံးအစီအစဉ် (OTP) ကနေ ဖြည့်စွက်အာဟာရတွေနဲ့ ကုထုံးတွေကို လက်ခံရယူလျက်ရှိပါတယ်။

အစီအစဉ်ကို စတင်ရောက်ရှိလာခဲ့ချိန်က နူးရ်ဘူရှာရဲ့ ကိုယ်အလေးချိန်ဟာ ခုနစ်ကီလိုဂရမ်ပဲ ရှိပါတယ်။ ကုထုံးရဲ့ ကျေးဇူးတွေကြောင့် သူ့ရဲ့ကိုယ်အလေးချိန်နဲ့ ဘက်စုံအခြေအနေတွေ တဖြည်းဖြည်း တိုးတက်လာခဲ့ပြီလို့ မိခင်ဖြစ်သူ ဒေလ်ကေယက်စ် ကပြောပြပါတယ်။ သူက အခုဆိုရင် ပိုပြီးဆော့တတ်လာပြီး သူ့အလေးချိန်လည်း တစ်ကီလိုဂရမ်တောင် တက်လာတယ်လို့ ဒေလ်ကေယက်စ်က အပြုံးတွေနဲ့ ပြောပြလာပါတယ်။

မောင်တောမြို့ရှိ အသက် ၁၈ လအရွယ် နူးရ်ဘူရှာ
©UNICEF Myanmar/2019/Khin Moe Aye