ရှေးဦးအရွယ်ပညာတတ်မြောက်ခြင်းကို မြှင့်တင်ပေးမည့် ဘာသာစကား(၂)မျိုးသုံးစာအုပ်များ

Text by Ruth Ayisi

Photos by Nyan Zay Htet

မိခင်ဖြစ်သူ ဒေါ်မိုးဝင်း နှင့် (၃) နှစ်အရွယ် သမီးလေးဖြစ်သူ ဆောင်းနဒီခိုင် တို့သည် စိမ်းလန်းစိုပြေသော စိုက်ခင်းများကို ဖြတ်၍ဖောက်ထားသော မြေနီလမ်းကျဉ်းလေး အတိုင်း အနည်းငယ် လမ်းလျှောက်ပြီးနောက်  နေ့ကလေးထိန်းကျောင်းသို့  ရောက်ရှိ ခဲ့ပါသည်။ ထိုအချိန်တွင် မိုးတိမ် များ မဲမှောင်လာက စတင်မိုးရွာလာပါတော့သည်။ ယနေ့အဖို့ အပြင်ထွက်၍ ကစားစရာ ဖရိန်များပေါ်တက်၍ သော်လည်းေ ကာင်း လျှောစီး၍ သော်လည်းကောင်း  ဆော့ကစားနိုင်တော့မည် မဟုတ်သော်လည်း ဆောင်းနဒီခိုင်သည် စိုးရိမ်မှု ရှိပုံမပေါ်ပေ။

ဆောင်းနဒီခိုင်က ပုံပြင်စာအုပ်အကြီးကြီးကိုင်ထားသည့် သူငယ်ချင်း အနားထိုင်ရန် အပြေးအလွှားသွားလိုက်ပါသည်။ စာရွက်များကို ကူလှန်ပေးနေရင်း  နောက်စာမျက်နှာ တစ်ခုသို့ ရောက်ရန် စိတ်အားထက်သန်လှသဖြင့် သူ့မျက်လုံးလေးများက ဝိုင်းကျယ်သွားတတ် ပါသည်။ အငယ်ဆုံးဆရာမများထဲမှ တစ်ယောက်ဖြစ်သည့် ဆရာမ နော်ခူးထရီးစဲက ကြမ်းပြင်ပေါ်တွင် ထိုင်လျက်ကလေးများနှင့် အတူသင်ပြပေးနေပါသည်။ 

 “ကလေးတွေနဲ့အတူနေရတာ အရမ်းပျော်စရာကောင်းတယ်” ဟု နော်ခူထရီးဆဲကပြောနေစဉ် ကလေးများက သူမ၏အာရုံစိုက်မှုရအောင်အပြိုင်အဆိုင် ပြုမှုနေကြသည်။ ကလေးတွေ ၏ အသံစူးစူးဖြင့် အော်ဟစ်နေသည့် ကြားမှ သူ့အသံကို ကြားရစေရန် ကြိုးစား၍ သူအော်ပြော ပြရသည်မှာ “သူတို့ လေးတွေက စာအုပ်တွေကိုကြိုက်တယ်” ဟုပင်ဖြစ်လေသည်။ 

စာအုပ်များသည် ပုံမှန်စာအုပ်ကြီးများမျှသာ မဟုတ်ဘဲ ဒေသခံတိုင်းရင်းသား ဘာသာစကား(၂)မျိုးပါဝင်သောစာအုပ်များဖြစ်သည်။ ဒေသခံတိုင်းရင်းသားဘာသာစကားများတွင်  ပါကညော စကောကရင် နှင့် ရုံးသုံးဘာသာစကားဖြစ်သည့် မြန်မာဘာသာစကားတို့ ပါဝင်ပါသည်။ ပုံပြင်များသည် ဘာသာစကားကို ကျွမ်းကျင်တိုးတက်စေပြီး တိုင်းရင်းသားလူမျိုးများ ၏ရိုးရာယဉ်ကျေးမှု နှင့် ပတ်ဝန်းကျင်အကြောင်းတို့ကို အလေးထားသင်ယူမိစေပါသည်။ 

ပါကညော စကောကရင် ဘာသာစကား နှင့် ယဉ်ကျေးမှုကော်မတီ၏ အတွင်းရေးမှုးဖြစ်သူ စောစိုးအောင်သည် ကရင်ပြည်နယ်တွင် အဆိုပါ စာအုပ်ဖြစ်မြောက်ရေး လုပ်ငန်းစဉ်တွင် ဦးဆောင်ခဲ့သူဖြစ်သည်။ ဘာသာစကား နှင့် ယဉ်ကျေးမှုကို ထိန်းသိမ်း ရာတွင် အဓိက ကျသည့် ကလေးသူငယ်များ အတွက် စာအုပ်စာပေ တစ်ခုအား ကိုစောစိုးအောင် တစ်ယောက် ပထမဦးဆုံး ဖြစ်မြောက်အောင် လုပ်ဆောင်ခွင့်ရခဲ့ခြင်းဖြစ်ပါသည်။

“လူငယ်တွေနဲ့ ကလေးတွေက  ကိုယ့် ဘာသာစကား နဲ့ ကျွမ်းကျင်မှု နည်းကြတယ်။ ဒီဘာသာစကား (၂)မျိုးပါ စာအုပ်ကို စတင် မိတ်မဆက် နိုင်ခင်အထိ  ကျွန်တော့်တို့ဘာသာစကား  ပျောက်ကွယ်သွားမှာကို စိုးရိမ်ခဲ့ရပါတယ်” ဟု စောစိုးအောင်က ပြောသည်။ 

ဤစာအုပ်တွင် ပါဝင်သည့် အကြောင်းအရာများသည် မတူကွဲပြားမှု နှင့် ညီညွှတ်စွာ ယှဉ်တွဲနေထိုင်ရေးကို မြှင့်တင်ပေးနိုင်သည့် အကြောင်းအရာများဖြစ်စေရန် စာအုပ် ဖြစ်မြောက်ရေး ကော်မတီဝင်များသည် အထူးသတိထားဆောင်ရွက်ခဲ့ကြောင်း ကို စောစိုးအောင်မှ ပြောပြခဲ့ပါသည်။ ပုံပြင်များကို အဓိကအားဖြင့် သတ္တဝါလေးများဖြင့်သာ ပုံဖော်ထားပါသည်။ “ကလေးတွေက လူအကြောင်းထက် သတ္တဝါလေးတွေ အကြောင်းကို ဖတ်ရတာပိုကြိုက်ကြတယ်ဆိုတာကို ကျွန်တော်လေ့လာသိရှိခဲ့ရတယ်” ဟုပြုံးလျက်ပြောသည်။

လူနည်းစု တိုင်းရင်းသားကလေးငယ်များသည် ကျောင်းစတက်ချိန်တွင် ၎င်းတို့ မိခင်ဘာသာစကားဖြင့်သင်ယူလေ့လာခွင့်ရပါက အဆိုပါနိုင်ငံ၏ ရုံးသုံးဘာသာစကားဖြင့် သာ သင်ယူလေ့လာခွင့်ရခဲ့ သည့် တိုင်းရင်းသားလူနည်းစု ကလေးငယ်များ ထက် ပိုမို ထူးချွန်တတ်ကြ ကြောင်းကို ကမ္ဘာနှင့်တဝှမ်းတွင် ပြုလုပ်ခဲ့သည့် သက်သေသာဓက များက ဖော်ပြနေပါသည်။ 

ဒေါ်မိုးဝင်းက သူမသမီး၏ကျောင်းမှ စာအုပ်များကို မြင်ရသည့်အခါ ကြည်နူး အံ့သြစရာပါပဲ ဟု ပြောပြပါသည်။ “ကျွန်မတို့ရွာမှာ အားလုံးက ပါကညော စကောကရင်စကားပဲပြောကြတယ်။ အိမ်မှာလည်းဒီ စကားပဲ ပြောတယ်။ ကျွန်မသမီး ဒီ အရွယ်မှာ သူ့ မိခင်ဘာသာစကားကိုသာ ရေးတတ်၊ ဖတ်တတ်အောင်သင်ခွင့်မရခဲ့ဘူးဆိုရင် ဒီ ပါကန်ကော စကောရင် လိုရေးထားတဲ့ မင်္ဂလာဆောင်ဖိတ်စာ ရလာရင်တောင်မှ သူ ဘာရေးထားမှန်း နားလည်မှာ မဟုတ်ဘူး” ဟုပြောသည်။ 

လူမှုဝန်ထမ်းကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန၊ တိုင်းရင်းသားဘာသာ စကား နှင့် ယဉ်ကျေးမှု ကော်မတီ တို့ နှင့် ပူးပေါင်း၍ ယူနီဆက်(မြန်မာ) မှ နည်းပညာပိုင်းပံ့ပိုးကူညီပေးခဲ့ပြီး H&M ဖောင်ဒေးရှင်း မှ ငွေကြေးထောက်ပံ့ပေးမှုကြောင့် ယခု အခါ မြန်မာနိုင်ငံရှိ (၁၃၅) မျိုးသော တိုင်းရင်းသားများထဲမှ တိုင်းရင်းသား (၂၅) မျိုးသည် ယခု အခါတွင် ဘာသာစကား (၂)မျိုးဖြင့်ဖော်ပြထားသော ပုံပြင်စာအုပ်ကြီးများကို ဖတ်ရှုနေနိုင်ပြီဖြစ်ပါသည်။ 

မြန်မာနိုင်ငံရှိ မိဘများ နှင့် ကြည့်ရှုစောင့်ရှောက်ပေးသူများသည် အစောပိုင်းအရွယ်ကလေး များ၏ သင်ယူခွင့်ရခြင်း၏ အကျိုးကျေးဇူးကို နားလည်သဘောပေါက်ရန် လိုအပ်သည်။ ကမ္ဘာလုံးဆိုင်ရာ သက်သေအထောက်အထားများအရ အစောပိုင်းအရွယ်ကလေးများ၏ သင်ယူမှုအရေးကြီးကြောင်းကို ညွှန်ပြထားသော်လည်း မြန်မာနိုင်ငံတွင် ၂၀%ရာခိုင်နှုန်းသော ကလေးများသာ မူကြိုကျောင်းတက်ကြကြောင်း တွေ့ရသည်။အစောပိုင်းအရွယ်ပညာကြား ခွင့်ရခြင်း ၏ ရေရှည်အကျိုးကျေးဇူးများ ကို ကမ္ဘာ့ဘဏ်မှ လေ့လာသုံးသပ်ချက်အရ မူကြိုကျောင်းတွင် ပျမ်းမျှတစ်နှစ်ကျောင်းနေခဲ့သော ကလေးများသည် နောင်တွင် အဆင့်မြင့် ကျွမ်းကျင်မှုဆိုင်ရာလုပ်ငန်းများတွင် အလုပ်လုပ်ကိုင်နိုင်ချေပိုများသည် ဟုတွေ့ရှိရပါသည်။ 

ယခု အချိန်တွင် နည်းပါးသေးသော်လည်း ပညာရေး နှင့် ဖွံ့ဖြိုးရေးသို့ ဦးတည်သော ခိုင်မာသည့် ခြေလှမ်းအစ တွင် တိုး၍ ပါဝင်လာကြမည့် တိုင်းရင်းသားကလေး ငယ်များတွင်  ဆောင်းနဒီခိုင် နှင့် သူ့ရွယ်တူသူငယ်ချင်းများသည် လည်း ပါဝင်လာပြီဖြစ်သည်။ 

ယခု အချိန်တွင် ဘာသာစကား(၂)မျိုးသုံး စာအုပ်၏ ဘာသာစာပေ နှင့် ယဉ်ကျေးမှု အရ အရေး ကြီးပုံကို သတိမပြုမိနိုင်သေးသော်လည်း ဆောင်းနဒီ ၏ စာအုပ်များကို နှစ်သက်တတ်သည့် အလေ့အကျင့်သည် အစပျိုးနေပြီဖြစ်ပါသည်။  သူမ၏အကြိုက်ဆုံး ပုံပြင်စာအုပ် သည် ကြောင် အကြောင်းရေးထားသည့်စာအုပ်ဖြစ်ပြီး “သမီးတို့အိမ်မှာကြောင်ရှိတယ်”ဟု သူမကပြောသည်။