ရေးသားသူ- ကျော်လွင်လတ်၊ ပညာရေးအရာရှိ၊ ယူနီဆက်
လုပ်ငန်းခွင်ဆရာနည်းပြသင်တန်းတစ်ခုကို ကြည့်ရှုဖို့သွားရောက်ခဲ့တဲ့ ကွင်းဆင်းဆောင်ရွက်မှုတစ်ခု
ကချင်ပြည်နယ်၊ မြန်မာနိုင်ငံ - မြန်မာနိုင်ငံမြောက်ပိုင်း ကချင်ပြည်နယ် ပူတာအိုခရိုင်မှာရှိတဲ့ ဆွမ်ပရာဘွန်ဆိုတဲ့ မြို့ငယ်လေးကို သွားတဲ့လမ်းဟာ လမ်းပြင်နေတဲ့အတွက် နှစ်ခါလောက်ရပ်စောင့်ခဲ့ရတာကလွဲပြီး ပုံမှန်ထက် ပိုကောင်းနေခဲ့ပါတယ်။ ပင်လယ်ရေမျက်နှာပြင်အထက် မီတာ ၂၀၀၀ လောက်မှာရှိတဲ့ တောင်ထူထပ်ပြီး လေထန်တဲ့ ဒီဒေသရဲ့လမ်းတွေဟာ တစ်နှစ်ပတ်လုံး မိုးရွာသွန်းနေတဲ့အတွက် ရွှံ့ထူပြီးချော်နိုင်တဲ့ အလားအလာသိပ်များပါတယ်။
 |
| ©UNICEF Myanmar/2016/Khine Zar Mon |
လမ်းပြင်တာကိုစောင့်နေတဲ့အချိန်မှာ ဆိုင်ကယ်နောက်ဘီးကျွတ်ပေါက်လို့ ဖာနေတဲ့ အားကစားဝတ်စုံဝတ်ထားတဲ့ အမျိုးသမီးနှစ်ဦးနဲ့ဆုံခဲ့တယ်။ သူတို့က ဆရာမတွေဖြစ်တဲ့အကြောင်း၊ သူတို့တက်ခဲ့တဲ့ လုပ်ငန်းခွင်ဆရာနည်းပြသင်တန်းအတွက် ရေးဖြေစာမေးပွဲဖြေဖို့ ဆွမ်ပရာဘွန်ကို သွားနေတဲ့အကြောင်း ပြောပြတယ်။ ကျွန်တော်ကလည်း အဲဒီနေရာကိုသွားနေတာပါ။ ဒါပေမဲ့ ကျွန်တော်ကတော့ စာမေးပွဲကျင်းပနေတာကို ကြည့်ရှုဖို့ ယူနီဆက်ဝန်ထမ်းတစ်ဦးအနေနဲ့ သွားခဲ့တာပေါ့။ ဒီဆရာမတွေကတော့ ရက်သတ္တပတ် ၂၀ ကြာ တက်ရောက်ခဲ့တဲ့ သင်တန်းမှာ မိမိတို့သင်ခဲ့ကြရတဲ့ သင်ကြားရေးနည်းလမ်းအသစ်တွေနဲ့ပတ်သက်ပြီး စာမေးပွဲဖြေဆိုကြမယ့် ဆရာ၊ ဆရာမ ၃၈ ယောက်ထဲမှာပါတဲ့သူတွေပါ။
